११.१६
तीव्रवेगधुतमार्गवृक्षया प्रेतचीवरवसा स्वनोग्रया ।
अभ्यभावि भरताग्रजस्तया वात्ययेव पितृकाननोत्थया ॥
सञ्जीविनीटीका (मल्लिनाथः) तीव्रेति॥ तीव्रवेगेन धुताः कम्पिता मार्गवृक्षा यया तथोक्तया। प्रेतचीवराणि वस्त इति प्रेतचीवरवाः तया प्रेतचीवरवसा। वसतेराच्छादनार्थात्क्विप्। स्वनेन सिंहनादेनोग्रया तया ताडकया। पितृकानने श्मशान उत्थोत्पन्ना। आतश्चोपसर्गे (अष्टाध्यायी ३.३.१०६ ) इत्युत्पूर्वात्तिष्ठतेः कर्तरि क्तप्रत्ययः। तया वात्ययेव वातसमूहेनेव॥ पाशादिभ्यो यः (अष्टाध्यायी ४.२.४९ ) इति यः। भरताग्रजो रामोऽभ्यभाव्यभिभूतः। कर्मणि लुङ्। तीव्रवेगेत्यादिविशेषणानि वात्यायामपि योज्यानि ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
तीव्र वेगधुत मार्ग वृक्ष या
प्रेत चीवरव सास्व नोग्र या
अभ्य भाविभर ताग्र जस्त या
वात्य येवपितृ कान नोत्थ या
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.