११.१५
ज्यानिनादमथ गृह्णती तयोः प्रादुरास बहुलक्षपाछविः ।
ताडका चलकपालकुण्डला कालिकेव निबिडा बलाकिनी ॥
सञ्जीविनीटीका (मल्लिनाथः) ज्येति॥ अथ तयोर्ज्यानिनादं गृह्णती जानती। शृण्वतीत्यर्थः। बहुलक्षपाछविः कृष्णपक्षरात्रिवर्णा। बहुलः कृष्णपक्षे चइति विश्वः। चले कपाले एव कुण्डले यस्याः सा तथोक्ता ताडका। निबिडा सान्द्रा बलाकिनी बलाकावती। व्रीह्यादिभ्यश्च (अष्टाध्यायी ५.२.११६ ) इतीनिः। कालिकेव घनावलीव। कालिका योगिनीभेदे कार्ष्ण्ये गौर्यां घनावलौ इति विश्वः। प्रादुरास प्रादुर्बभूव॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
ज्यानि नादमथ गृह्ण तीत योः
प्रादु रासबहु लक्ष पाछ विः
ताड काचलक पाल कुण्ड ला
कालि केवनिबि डाब लाकि नी
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.