११.१३
स्थाणुदग्धवपुषस्तपोवनं प्राप्य दाशरथिरात्तकार्मुकः ।
विग्रहेण मदनस्य चारुणा सोऽभवत्प्रतिनिधिर्न कर्मणा ॥
सञ्जीविनीटीका (मल्लिनाथः) स्थाण्विति॥ स आत्तकार्मुकः। दशरथस्यापत्यं पुमान् दाशरथी रामः। अत इञ् (अष्टाध्यायी ४.१.९५ ) इतीञ्प्रत्ययः। स्थाणुर्हरः। स्थाणुः कीले हरे स्थिरे इति विश्वः। तेन दग्धवपुषो मदनस्य तपोवनं प्राप्य चारुणा विग्रहेण कायेन। विग्रहः समरे काये इति विश्वः। प्रतिनिधिः प्रतिकगृतिः सदृशोऽभवत्, कर्मणा न पुनः, देहेन मदनसुन्दर इति भावः ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
स्थाणु दग्धवपु षस्त पोव नं
प्राप्य दाशरथि रात्त कार्मु कः
विग्र हेणमद नस्य चारु णा
सोऽभ वत्प्रतिनि धिर्न कर्म णा
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.