११.१२
नाम्भसां कमलशोभिनां तथा शाखिनां च न परिश्रमच्छिदाम् ।
दर्शनेन लघुना यथा तयोः प्रीतिमापुरुभयोस्तपस्विनः ॥
सञ्जीविनीटीका (मल्लिनाथः) नेति॥ तप एषामस्तीति तपस्विनः। तपःसहस्राभ्यां विनीनी (अष्टाध्यायी ५.२.१०२ ) इति विनिप्रत्ययः। लघुना। त्रिष्विष्टेऽल्पे लघुः इत्यमरः (अमरकोशः ३.३.३३ ) । तयोरुभयोः कर्मभूतयोः। दर्शनेन यथा प्रीतिमापुः। तथा कमलशोभिनामम्भसां दर्शनेन नापुः। परिश्रमच्छिदां शाखिनां दर्शनेन च नापुः ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
नाम्भ सांकमल शोभि नांत था
शाखि नांचनप रिश्र मच्छि दाम्
दर्श नेनलघु नाय थात योः
प्रीति मापुरुभ योस्त पस्वि नः
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.