१०.६
ते च प्रापुरुदन्वन्तं बुबुधे चादिपूरुषः ।
अव्याक्षेपो भविष्यन्त्याः कार्यसिद्धेर्हि लक्षणम् ॥
सञ्जीविनीटीका (मल्लिनाथः) त इति॥ ते देवाश्चोदन्वन्तं समुद्रम्। उदन्वानुदधौ च (अष्टाध्यायी ८.२.१३ ) इति निपातः। प्रापुः। आदिपूरुषो विष्णुश्च बुबुधे। योगनिद्रां जहावित्यर्थः। गमनप्रतिबोधयोरविलम्बार्थौ चकारौ। तथा हि-अव्याक्षेपो गम्यस्याव्यासङ्गः। अविलम्ब इति यावत्। भविष्यन्त्याः कार्यसिद्धेर्लक्षणं लिङ्गं हि॥ उक्तं च-अनन्यपरता चास्य कार्यसिद्धेस्तु लक्षणम् इति॥
छन्दः अनुष्टुप् [८]
छन्दोविश्लेषणम्
१२३४५६७८
ते च प्रापुरु द न्व न्तं
बुबु धे चादि पूरु षः
अ व्या क्षे पोभ वि ष्य न्त्याः
कार्य सि द्धेर्हि लक्ष णम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.