१०.५२
प्राजापत्योपनीतं तदन्नं प्रत्यग्रहीन्नृपः ।
वृषेव पयसां सारमाविष्कृतमुदन्वता ॥
सञ्जीविनीटीका (मल्लिनाथः) प्राजापत्येति॥ नृपो दशरथः प्राजापत्येन प्रजापतिसंबन्धिना पुरुषेणोपनीतं, न तु वसिष्ठेन। प्राजापत्यं नरं विद्धिमामिहाभ्यागतं नृप! (बाल.१६।१६) इति रामायणात्। तदन्नं पायसान्नम्। उदन्वतोदधिनाऽऽविष्कृतं प्रकाशितं पयसां सारममृतं वृषा वासव इव। वासवो वृत्रहा वृषा इत्यमरः (अमरकोशः १.१.५३ ) । प्रत्यग्रहीत् स्वीचकार ॥
छन्दः अनुष्टुप् [८]
छन्दोविश्लेषणम्
१२३४५६७८
प्रा जा प त्योप नी तंत
द न्नं प्र त्यग्र हीन्नृ पः
वृ षेवपय सां सार
मा विष्कृतमु दन्व ता
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.