१०.२१
सप्तसामोपगीतं त्वां सप्तार्णवजलेशयम् ।
सप्तार्चिर्मुखमाचख्युः सप्तलोकैकसंश्रयम् ॥
सञ्जीविनीटीका (मल्लिनाथः) सप्तेति॥ हे देव! त्वां सप्तभिः सामभी रथंतरादिभिरुपगीतम्। तद्धित्तार्थ- (अष्टाध्यायी २.१.५१ ) इत्युत्तरपदसमासः। सप्तानामर्णवानां जलं सप्तार्णवजलम्। पूर्ववत्समासः। तत्र शेते यः स सप्तार्णवजलेशयः। तम्। शयवासवासिष्वकालात् (अष्टाध्यायी ६.३.१८ ) इत्यलुक्। सप्तार्चिर्मुखं यस्य तम्। अग्निमुख! वै देवा इति श्रुतेः। सप्तानां लोकानां भूर्भुवःस्वरादीनामेकसंश्रयम्। एवंभूतमाचख्युः ॥
छन्दः अनुष्टुप् [८]
छन्दोविश्लेषणम्
१२३४५६७८
सप्त सा मोप गी तं त्वां
स प्तार्णवज लेश यम्
स प्ता र्चिर्मुख मा च ख्युः
सप्त लो कैक संश्र यम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.