१०.२०
सर्वज्ञस्त्वमविज्ञातः सर्वयोनिस्त्वमात्मभूः ।
सर्वप्रभुरनीशस्त्वमेकस्त्वं सर्वरूपभाक् ॥
सञ्जीविनीटीका (मल्लिनाथः) सर्वज्ञ इति॥ त्वं सर्वं जानातीति सर्वज्ञः । इगुपध- (अष्टाध्यायी ३.१.१३५ ) इति कप्रक्ययः। अविज्ञातः। न केनापि विज्ञात इत्यर्थः। त्वं सर्वस्य योनिः कारणम्। त्वमात्मन एव भवतीत्यात्मभूः। न ते किंचित्कारणमस्तीत्यर्थः। त्वं सर्वस्य प्रभुः। त्वमनीशः। त्वमेकः सर्वरूपभाक्। त्वमेक एव सर्वात्मना वर्तस इत्यर्थः ॥
छन्दः अनुष्टुप् [८]
छन्दोविश्लेषणम्
१२३४५६७८
स र्व ज्ञस्त्वम वि ज्ञा तः
सर्व यो निस्त्व मात्म भूः
स र्वप्रभुर नी शस्त्व
मे क स्त्वं सर्व रूप भाक्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.