१०.१५
प्रणिपत्य सुरास्तस्मै शमयित्रे सुरद्विषाम् ।
अथैनं तुष्टुवुः स्तुत्यमवाङ्मनसगोचरम् ॥
सञ्जीविनीटीका (मल्लिनाथः) प्रणिपत्येति॥ अथ दर्शनानन्तरं सुराः सुरद्विषामसुराणां शमयित्रे विनाशकाय तस्मै विष्णवे प्रणिपत्य स्तुत्यं स्तोत्रार्हम्। एतिस्तुशास्वृदृजुषः क्यप् (अष्टाध्यायी ३.१.१०९ ) इति क्यप्प्रत्ययः। वाक्च मनश्च वाङ्मनसे। अचतुर- (अष्टाध्यायी ५.४.७७ ) इत्यच्प्रत्ययान्तो निपातः। तयोर्गोचरो विषयो न भवतीत्यवाङ्मनसगोचरः। तमेनं विष्णुं तुष्टुवुरस्तुवन् ॥
छन्दः अनुष्टुप् [८]
छन्दोविश्लेषणम्
१२३४५६७८
प्रणि पत्यसु रा स्त स्मै
शम यि त्रेसु रद्वि षाम्
अ थै नं तुष्टु वुः स्तुत्य
म वाङ्मनस गोच रम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.