१.६७
मत्परं दुर्लभं मत्वा नूनमावर्जितं मया ।
पयः पूर्वैः स्वनिःश्वासैः कवोष्णमुपभुज्यते ॥
सञ्जीविनीटीका (मल्लिनाथः) मत्परमिति॥ मत्परं मदनन्तरम्। अन्यारात्- (अष्टाध्यायी २.३.२९ ) इत्यादिना पञ्चमी। दुर्लभं दुर्लभ्यं मत्वा मयावर्जितं दत्तं पयः पूर्वैः पितृभिः स्वनिःश्वासैर्दुःखजैः कवोष्णमीषदुष्णं यथा तथोपभुज्यते। नूनमिति वितर्के। कवेष्णमिति कुशब्दस्य कवादेशः, कोष्णं कवोष्णं मन्दोष्णं कदुष्णं त्रिषु तद्वति इत्यमरः (अमरकोशः १.३.३९ ) ॥
छन्दः अनुष्टुप् [८]
छन्दोविश्लेषणम्
१२३४५६७८
मत्प रं दुर्ल भं म त्वा
नून मा वर्जि तंम या
प यः पू र्वैःस्व निः श्वा सैः
क वोष्णमुप भुज्य ते
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.