सायंचिरम्- (अष्टाध्यायी ४.३.२३ ) इत्यादिना ट्युल्प्रत्ययः। विधेर्जपहोमाद्यनुष्ठानस्य। अन्तेऽवसानेऽरुन्धत्यान्वासितं पश्चादुपवेशनेनोपसेवितम्। कर्मणि क्तः। उपसर्गवशात्सकर्मकत्वम्। अन्वास्यैनाम् इत्यादिवदुपपद्यते। तपोनिधिं वसिष्टम्। स्वाहया स्वाहादेव्या। अथाग्नायी स्वाहा च हुतभुक्प्रिया इत्यमरः (अमरकोशः २.७.२३ ) । अन्वासितं हविर्भुजमिव। ददर्श। समित्पुष्पकुशागन्यम्बुमृदन्नाक्षतपाणिकः। जपं होमं च कुर्वाणो नाभिवाद्यो द्विजो भवेत् ॥ इत्यनुष्टानस्य मध्येऽभिवादननिषेधाद्विधेरन्ते ददर्शेत्युक्तम्। अन्वासितं चात्र पतिव्रताधर्मत्वेनोक्तं न तु कर्माङ्गत्वेन। विधेरन्ते इति कर्मणः समाप्त्यभिधानात् ॥
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| वि | धेः | सा | यं | त | न | स्या | न्ते |
| स | द | द | र्श | त | पो | नि | धिम् |
| अ | न्वा | सि | त | म | रु | न्ध | त्या |
| स्वा | ह | ये | व | ह | वि | र्भु | जम् |