१.५१
सेकान्ते मुनिकन्याभिस्तत्क्षणोज्झितवृक्षकम् ।
विश्वासाय विहंगानामालवालाम्बुपायिनाम् ॥
सञ्जीविनीटीका (मल्लिनाथः) सेकान्ते इति॥ सेकान्ते वृक्षमूलसेचनावसाने मुनिकन्याभिः सेक्त्रीभिः। आलवालेषु जलावापप्रदेशेषु यदम्बु तत्पायिनाम्। स्यादालवालमावालमावापः इत्यमरः (अमरकोशः १.१०.२९ ) । विहंगानां पक्षिणां विश्वासाय विश्रम्भाय। समौ विश्रम्भविश्वासौ इत्यमरः (अमरकोशः १.१०.२९ ) । तत्क्षणे सेकक्षण उज्झिता वृक्षका ह्रस्ववृक्षा यस्मिंस्तम्। ह्रस्वार्थे कप्रत्ययः ॥
छन्दः अनुष्टुप् [८]
छन्दोविश्लेषणम्
१२३४५६७८
से का न्तेमुनि क न्याभि
स्तत्क्ष णोज्झित वृक्ष कम्
वि श्वा सायवि हं गा ना
माल वा लाम्बु पायि नाम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.