१.४५
हैयंगवीनमादाय घोषवृद्धानुपस्थितान् ।
नामधेयानि पृच्छन्तौ वन्यानां मार्गशाखिनाम् ॥
सञ्जीविनीटीका (मल्लिनाथः) हैयंगवीनमिति॥ ह्यस्तनगोदोहोद्भवं घृतं हैयंगवीनम्। ह्यः पूर्वेद्युर्भवम्। तत्तु हैयंगवीनं यद्ध्योगोदोहोद्भवं घृतम् इत्यमरः (अमरकोशः २.२.२१ ) । हैयंगवीनं संज्ञायाम् (अष्टाध्यायी २.२.२३ ) इति निपातः। तत्सद्योघृतम्। आदायोपस्थितान्घोषवृद्धान्। घोष आभीरपल्ली स्यात् इत्यमरः (अमरकोशः २.२.२१ ) । वन्यानां मार्गशाखिनां नामधेयानि पृच्छन्तौ। दुह्याच्-(वा.१०९०, ११००) इत्यादिना पृच्छतेर्द्विकर्मकत्वम्। कुलकम्॥
छन्दः अनुष्टुप् [८]
छन्दोविश्लेषणम्
१२३४५६७८
है यंग वीन मा दाय
घोष वृ द्धानु पस्थि तान्
नाम धे यानि पृ च्छ न्तौ
व न्या नां मार्ग शाखि नाम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.