१.३८
सेव्यमानौ सुखस्पर्शैः शालनिर्यासगन्धिभिः ।
पुष्परेणूत्किरैर्वातैराधूतवनराजिभिः ॥
सञ्जीविनीटीका (मल्लिनाथः) सेव्यमानाविति॥ पुनः कथंभूतौ? सुखः शीतलत्वात्प्रियः स्पर्शो येषां तैः। शालनिर्यासगन्धिभिः सर्जतरुनिस्यन्दगन्धवद्भिः। शालः सर्जतरुः स्मृतः इति शाश्वतः। उत्किरन्ति विक्षिपन्तीत्युत्किराः। इगुपध- (अष्टाध्यायी ३.१.१३५ ) इत्यादिना किरतेः कप्रत्ययः। पुष्परेणूनामुत्किरास्तैराधूता मान्द्यादीषत्कम्पिता वनराजयो यैस्तैर्वातैः सेव्यमानौ ॥
छन्दः अनुष्टुप् [८]
छन्दोविश्लेषणम्
१२३४५६७८
सेव्य मा नौसु ख स्प र्शैः
शाल नि र्यास गन्धि भिः
पुष्प रे णूत्कि रै र्वा तै
रा धूतवन राजि भिः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.