१.३७
मा भूदाश्रमपीडेति परिमेयपुरः सरौ ।
अनुभावविशेषात्तु सेनापरिवृताविव ॥
सञ्जीविनीटीका (मल्लिनाथः) मा भूदिति॥ पुनः कथंभूतौ दंपती? आश्रमपीडा मा भून्माऽस्त्विति हेतोः। माङि लुङ् (अष्टाध्यायी ३.३.१७५ ) इत्याशीरर्थे लुङ्। न माङ्योगे (अष्टाध्यायी ६.४.७४ ) इत्यडागमनिषेधः। परिमेयपुरःसरौ परिमितपरिचरौ। अनुभावविशेषात्तु तेजोविशेषात् सेनापरिवृताविव स्थोरौ ॥
छन्दः अनुष्टुप् [८]
छन्दोविश्लेषणम्
१२३४५६७८
मा भू दाश्रम पी डेति
परि मेयपु रःस रौ
अनु भाववि शे षात्तु
से नापरिवृ ताविव
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.