प्रावृष एण्यः (अष्टाध्यायी ४.३.१७ ) इत्येण्यप्रत्ययः। तं प्रावृषेण्यं पयोवाहं मेघं विद्युदैरावताविव। आस्थितावारूढौ। जग्मतुरिति पूर्वेण संबन्धः। इरा आपः। इरा भूवाक्सुराप्सु स्यात् इत्यमरः। इरावान् समुद्रः। तत्र भव ऐरावतोऽभ्रमातङ्गः। ऐरावतोऽभ्रमातङ्गैरावणाभ्रमुवल्लभाः इत्ममरः। अभ्रमातङ्गत्वाञ्चाभ्रस्थत्वादभ्ररूपत्वात् इति क्षीरस्वामी। अत एव मेघारोहणं विद्युत्साहचर्यं च घटये। किंच विद्युत ऐरावतसाहचर्यादेवैरावतीसंज्ञा। ऐरावतस्य स्त्रयैरावतीति क्षीरस्वामी। तस्मात्सुष्ठूक्तं विद्युदैरावताविवेति। एकरथारोहणोक्त्या कार्यसिद्धिबीजं दंपत्योरत्यन्तसौमनस्यं सूचयति ॥
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| स्नि | ग्ध | ग | म्भी | र | नि | र्घो | ष |
| मे | कं | स्य | न्द | न | मा | श्रि | तौ |
| प्रा | वृ | षे | ण्यं | प | यो | वा | हं |
| वि | द्यु | दै | रा | व | ता | वि | व |