१.३५
अथाभ्यर्च्य विधातारं प्रयतौ पुत्रकाम्यया ।
तौ दंपती वसिष्ठस्य गुरोर्जग्मतुराश्रमम् ॥
सञ्जीविनीटीका (मल्लिनाथः) अथएति॥ अथ धुरोऽवतारानन्तरं पुत्रकाम्ययाऽऽत्मनः पुत्रोच्छया। काम्यञ्च (अष्टाध्यायी ३.१.९ ) इति पुत्र शब्दात् काम्यच्प्रत्ययः। अ प्रत्ययात् (अष्टाध्यायी ३.३.१०२ ) इति पुत्रकाम्यधातोरकारप्रत्ययः। ततष्टाप्, तया। तौ दंपती जायापती। राजदन्तादिषु जायाशब्दस्य दमिति निपातनात्साधुः। प्रतयौ पूतौ विधातारं ब्रह्माणमभ्यर्च। स खलु पुत्रार्थिभिरुपास्यते इति मान्त्रिकाः। गुरोः कुलगुरोः। वसिष्ठस्याश्रमं जग्मतुः। पुत्रप्राप्त्युपायापेक्षयेति शेषः॥
छन्दः अनुष्टुप् [८]
छन्दोविश्लेषणम्
१२३४५६७८
अ था भ्यर्च्यवि धा ता रं
प्रय तौ पुत्र काम्य या
तौ दंप तीव सि ष्ठस्य
गु रो र्जग्मतु राश्र मम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.