रूपं शब्दो गन्धरसस्पर्शाश्च विषया अमी इत्यमरः (अमरकोशः १.५.८ ) । अनाकृष्टस्यावशीकृतस्य विद्यानां वेदवेदाङ्गादीनां पारदृश्वनः पारमन्तं दृष्टवतः। दृशेः क्वनिप्। धर्मे रतिर्यस्य तस्य राज्ञो जरसा जरया विना। विस्रसा जरा इत्यमरः (अमरकोशः १.५.८ ) । षिद्भिदादिभ्योऽङ् (अष्टाध्यायी ३.३.१०४ ) इत्यङ्प्रत्ययः। जराया जरसन्यतरस्याम् (अष्टाध्यायी ७.२.१०१ ) इति जरसादेशः। वृद्धत्वं वार्धकमासीत्। तस्य यूनोऽपि विषयवैराग्यादिज्ञानगुणसंपत्त्या ज्ञानतो वृद्धत्वमासीदित्यर्थः। नाथस्तु-चतुर्विधं वृद्धत्वमिति कृत्वा अनाकृष्टस्य इत्यादिना विशेषणत्रयेण वैराग्यज्ञानशीलवृद्धत्वान्युक्तानीत्यवोचत् ॥
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| अ | ना | कृ | ष्ट | स्य | वि | ष | यै |
| र्वि | द्या | नां | पा | र | दृ | श्व | नः |
| त | स्य | ध | र्म | र | ते | रा | सी |
| द्वृ | द्ध | त्वं | ज | र | सा | वि | ना |