१.१३
व्यूढोरस्को वृषस्कन्धः शालप्रांशुर्महाभुजः ।
आत्मकर्मक्षमं देहं क्षात्रो धर्म इवाश्रितः ॥
सञ्जीविनीटीका (मल्लिनाथः) व्यूढेति॥ व्यूढं विपुलमुरो यस्य स व्यूढोरस्कः। उरःप्रभृतिभ्यः कप्‌ (अष्टाध्यायी ५.४.१५१ ) । व्यूढं विपुलं भद्रं स्फारं समं वरिष्ठं च इचि यादवः। वृषस्य स्कन्ध इव स्कन्धो यस्य स तथा। सप्तम्युपमान-इत्यादिनोत्तरपदलोपी बहुव्रीहिः। शालो वृक्ष इव प्रांशुरुन्नतः शालप्रांशुः। प्राकारवृक्षयोः शालः शालः सर्जतरुः स्मृतः। इति यादवः। उञ्चप्रांशून्नतोदग्रोच्छ्रितास्तुङ्गे इत्यमरः। महाभुजो महाबाहुः। आत्मकर्मक्षमं स्वव्यापारानुरूपं देहमाश्रितः प्राप्तः, क्षात्रः क्षत्रसंबन्धी धर्म इव स्थितः, मूर्तिमान् पराक्रम इव स्थित इत्युत्प्रेक्षा ॥
छन्दः अनुष्टुप् [८]
छन्दोविश्लेषणम्
१२३४५६७८
व्यू ढो र स्कोवृ ष स्क न्धः
शा ल प्रां शुर्म हाभु जः
आत्म क र्मक्ष मं दे हं
क्षा त्रो धर्मइ वाश्रि तः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.