७.५६
रथी निषङ्गी कवची धनुष्मान्दृप्तः स राजन्यकमेकवीरः ।
निवारयामास महावराहः कल्पक्षयोद्वृत्तमिवार्णवाम्भः ॥
सञ्जीविनीटीका (मल्लिनाथः) रथीति॥ रथी रथारूढो निषङ्गी तूणीरवान्। तूणोपासङ्गतूणीरनिषङ्गा इषुधिर्द्वयोः इत्यमरः (अमरकोशः २.८.८८ ) । कवची वर्मधरो धनुष्मान् धनुर्धरो दृप्तो रणदृप्त एकवीरोऽसहायशूरः सोऽजो राजन्यकं राजसमूहम्। गोत्रोक्ष- (अष्टाध्यायी ४.२.३९ ) इत्यादिना वुञ्प्रत्ययः। महावराहो वराहावतारो विष्णुः कल्पक्षये कल्पान्तकाल उद्वृत्तमुद्वेलमर्णवाम्भ इव। निवारयामास ॥
छन्दः उपजातिः [११]
छन्दोविश्लेषणम्
१२३४५६७८९१०११
र थीनि ष ङ्गीकव चीध नु ष्मा
न्दृ प्तःस रा जन्यक मेक वी रः
नि वार या मासम हाव रा हः
क ल्पक्ष यो द्वृत्तमि वार्ण वा म्भः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.