७.३९
उत्थापितः संयति रेणुरश्वैः सान्द्रीकृतः स्यन्दनवंशचक्रैः ।
विस्तारितः कुञ्जरकर्णतालैर्नेत्रक्रमेणोपरुरोध सूर्यम् ॥
सञ्जीविनीटीका (मल्लिनाथः) उत्थापित इति॥ संयति संग्रामेऽश्वैरुत्थापितः । स्यन्दनवंशानां रथसमूहानां चक्रै रथाङ्गैः सान्द्रीकृतो घनीकृतः। वंशः पृष्ठास्थि गेहोर्ध्वकाष्ठे;वेणौ गणे कुले इति केशवः। कुञ्जरकर्णानां तालैस्तानैर्विस्तारितः प्रसारितो रेणुर्नेत्रक्रमेणांशुकपरिपाट्या। अंशुकमिवेत्यर्थः। स्याज्जटांशुकयोर्नेत्रम् इति, क्रमोऽङ्घ्रौ परिपाट्यां च इति च केशवः। सूर्यमुपरुरोधाच्छादयामास ॥
छन्दः इन्द्रवज्रा [११: ततजगग]
छन्दोविश्लेषणम्
१२३४५६७८९१०११
उ त्थापि तः संयति रेणु र श्वैः
सा न्द्रीकृ तः स्यन्दन वंश च क्रैः
वि स्तारि तः कुञ्जर कर्ण ता लै
र्ने त्रक्र मे णोपरु रोध सू र्यम्
ततजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.