६.७०
तस्मिन्समावेशितचित्तवृत्तिमिन्दुप्रभामिन्दुमतीमवेक्ष्य ।
प्रचक्रमे वक्तुमनुक्रमज्ञा सविस्तरं वाक्यमिदं सुनन्दा ॥
सञ्जीविनीटीका (मल्लिनाथः) तस्मिन्निति॥ तस्मिन्नजे समावेशिता संक्रामिता चित्तवृत्तिर्यया ताम्। इन्दोः प्रभेव प्रभा यस्यास्ताम्। आह्लादकत्वादिन्दुसाम्यम्। इन्दुमतीमवेक्ष्यानुक्रमज्ञा वाक्यपौर्वापर्याभिज्ञा सुनन्देदं वक्ष्यमाणं सविस्तरं सप्रपञ्चम्। प्रथने वाचशब्दे (अष्टाध्यायी ३.३.३३ ) इति घञो निषेधात्,ॠदोरप्(अष्टाध्यायी ३.३.५७ ) इत्यप्प्रत्ययः।विस्तारो विग्रहो व्यासः स च शब्दस्य विस्तरः` इत्यमरः (अमरकोशः ३.२.२२ ) । वाक्यं वक्तुं प्रचक्रमे ॥
छन्दः उपजातिः [११]
छन्दोविश्लेषणम्
१२३४५६७८९१०११
त स्मिन्स मा वेशित चित्त वृत्ति
मि न्दुप्र भा मिन्दुम तीम वेक्ष्य
प्र चक्र मे वक्तुम नुक्र म ज्ञा
स विस्त रं वाक्यमि दंसु न न्दा
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.