६.६३
अनेन पाणौ विधिवद्गृहीते महाकुलीनेन महीव गुर्वी ।
रत्नानुविद्धार्णवमेखलाया दिशः सपत्नी भव दक्षिणस्याः ॥
सञ्जीविनीटीका (मल्लिनाथः) अनेनेति॥ महाकुलीनेन महाकुले जातेन। महाकुलादञ्खञौ (अष्टाध्यायी ४.१.१४१ ) इति खञ्प्रत्ययः। अनेन पाण्ड्येन पाणौ त्वदीये विधिवद्यथाशास्त्रं गृहीते सति गुर्वी गुरुः। वोतो गुणवचनात् (अष्टाध्यायी ४.१.४४ ) इति ङीष्। महीव रत्नैरनुविद्धो व्याप्तोऽर्णव एव मेखला यस्यास्तस्याः। इदं विशेषणं मह्यामिन्दुमत्यां च योज्यम्। दक्षिणस्या दिशः सपत्नी भव। अनेन सपत्न्यन्तराभावो ध्वन्यते ॥
छन्दः उपजातिः [११]
छन्दोविश्लेषणम्
१२३४५६७८९१०११
अ नेन पा णौविधि वद्गृ ही ते
म हाकु ली नेनम हीव गु र्वी
र त्नानु वि द्धार्णव मेख ला या
दि शःस प त्नीभव दक्षि ण स्याः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.