६.४३
अस्याङ्कलक्ष्मीर्भव दीर्घबाहोर्माहिष्मतीवप्रनितम्बकाञ्चीम् ।
प्रासादजालैर्जलवेणिरम्यां रेवां यदि प्रेक्षितुमस्ति कामः ॥
सञ्जीविनीटीका (मल्लिनाथः) अस्येति॥ दीर्घबाहारस्य प्रतीपस्याङ्कलक्ष्मीर्भव। एनं वृणीष्वेत्यर्थः। अनेनायं विष्णुतुल्य इति ध्वन्यते। माहिष्मती नामास्य नगरी। तस्या वप्रः प्राकार एव नितम्बः। तस्य काञ्चीं रशनाभूतां जलानां वेण्या प्रवाहेण रम्याम्। ओघः प्रवाहो वेणी च इति हलायुधः। रेवां नर्मदां प्रासादजालैर्गवाक्षैः। जालं समूह आनायो गवाक्षक्षारकावपि इत्यमरः। प्रेक्षितुं काम इच्छाऽस्ति यदि॥
छन्दः इन्द्रवज्रा [११: ततजगग]
छन्दोविश्लेषणम्
१२३४५६७८९१०११
अ स्याङ्क ल क्ष्मीर्भव दीर्घ बा हो
र्मा हिष्म ती वप्रनि तम्ब का ञ्चीम्
प्रा साद जा लैर्जल वेणि र म्यां
रे वांय दि प्रेक्षितु मस्ति का मः
ततजगग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.