६.१३
कश्चित्कराभ्यामुपगूढनालमालोलपत्राभिहतद्विरेफम् ।
रजोभिरन्तः परिवेषबन्धि लीलारविन्दं भ्रमयांचकार ॥
सञ्जीविनीटीका (मल्लिनाथः) कश्चिदिति॥ कश्चिद्राजा कराभ्यां पाणिभ्यामुपगूढनालं गृहीतनालम्। आलोलैश्चञ्चलैः पत्रैरभिहततास्ताडिता द्विरेफा भ्रमरा येन तत्तथोक्तम्। रजोभिः परगैरन्तः परिवेषं मण्डलं बध्नातीत्यन्तः परिवेषबन्धि। लीलारविन्दं भ्रमयांचकार। करस्थलीलारविन्दवत्त्वयाऽहं भ्रमयितव्यः इति-नृपाभिप्रायः। हस्तघूर्णकोऽयमपलक्षणकः-इतीन्दुमत्यभिप्रायः ॥
छन्दः उपजातिः [११]
छन्दोविश्लेषणम्
१२३४५६७८९१०११
क श्चित्क रा भ्यामुप गूढ नाल
मा लोल प त्राभिह तद्वि रे फम्
र जोभि र न्तःपरि वेष बन्धि
ली लार वि न्दंभ्रम यांच कार
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.