५.५६
संमोचितः सत्त्ववता त्वयाहं शापाञ्चिरप्रार्थितदर्शनेन ।
प्रतिप्रियं चेद्भवतो न कुर्यां वृथा हि मे स्यात्स्वपदोपलब्धिः ॥
सञ्जीविनीटीका (मल्लिनाथः) संमोचित इति॥ चिरं प्रार्थितं दर्शनं यस्य तेन सत्त्ववता बलवता त्वयाऽहं शापात्संमोचितो मोक्षं प्रापितः। भवतः प्रतिप्रियं प्रत्युपकारं न कुया चेन्मे स्वपदोपलब्धिः स्वस्थानप्राप्तिः। पदं व्यवसितत्राणस्थानलक्ष्माङ्घिवस्तुषु इत्यमरः। वृथा स्याद्धि। तदुक्तम्-प्रतिकर्तुमशक्तस्य जीवितान्मरणं वरम् इति ॥
छन्दः उपजातिः [११]
छन्दोविश्लेषणम्
१२३४५६७८९१०११
सं मोचि तः सत्त्वव तात्व या हं
शा पाञ्चि र प्रार्थित दर्श नेन
प्र तिप्रि यं चेद्भव तोन कु र्यां
वृ थाहि मे स्यात्स्वप दोप ल ब्धिः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.