५.४५
संहारविक्षेपलघुक्रियेण हस्तेन तीराभिमुखः सशब्दम् ।
बभौ स भिन्दन्बृहतस्तरंगान्वार्यर्गलाभङ्ग इव प्रवृत्तः ॥
सञ्जीविनीटीका (मल्लिनाथः) संहारेति॥ संहारविक्षेपयोः संकोचनप्रसारणयोर्लघुक्रियेण क्षिप्रव्यापारेण। लघु क्षिप्रमरं द्रुतम् इत्यमरः (अमरकोशः १.१.७९ ) । हस्तेन शुण्डादण्डेन। हस्तो नक्षत्रभेदे स्यात्करेभकरयोरपि इति विश्वः। सशब्दं सघोषं बृहतस्तरंगान्भिन्दन्विदारयंस्तीराभिमुखः स गजः वारी गजबन्धनस्थानम्। वारी तु गजबन्धनी इति यादवः। वार्या अर्गलाया विष्कम्भस्य भङ्गे भञ्जने प्रवृत्त इव बभौ ॥
छन्दः उपजातिः [११]
छन्दोविश्लेषणम्
१२३४५६७८९१०११
सं हार वि क्षेपल घुक्रि येण
ह स्तेन ती राभिमु खःस श ब्दम्
ब भौस भि न्दन्बृह तस्त रं गा
न्वा र्यर्ग ला भङ्गइ वप्र वृ त्तः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.