५.२३
इत्थं द्विजेन द्विजराजकान्तिरावेदितो वेदविदां वरेण ।
एनोनिवृत्तेन्द्रियवृत्तिरेनं जगाद भूयो जगदेकनाथः ॥
सञ्जीविनीटीका (मल्लिनाथः) इत्थमिति॥ द्विजराजकान्तिश्चन्द्रकान्तिः। द्विजराजः शशधरो नक्षत्रेशः क्षपाकरैः इत्यमरः (अमरकोशः १.३.१७ ) । तस्मात्सोमो राजा नो ब्राब्मणानाम्इति श्रुतेः। द्विजराजकान्तित्वेनार्थावाप्तिवैराग्यं वारयति। एनसः पापान्निवृत्तेन्द्रियवृत्तिर्यस्य स जगदेकनाथो रघुर्वेदविदां वरेण श्रेष्ठेन द्विजेन कौत्सेन। इत्थमावेदितो निवेदितः सन्। एनं कौत्सं भूयः पुनर्जगाद ॥
छन्दः उपजातिः [११]
छन्दोविश्लेषणम्
१२३४५६७८९१०११
इ त्थंद्वि जे नद्विज राज कान्ति
रा वेदि तो वेदवि दांव रेण
ए नोनि वृ त्तेन्द्रिय वृत्ति रे नं
ज गाद भू योजग देक ना थः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.