नित्यवीप्सयोः (अष्टाध्यायी ८.१.४ ) इति वीप्सायां द्विर्वचनम्। बन्दिषु परिकल्पितसांनिध्या कृतसंनिधाना सती स्तुत्यं स्तोत्रार्हं तं रघुम्। अर्थ्याभिरर्थादनपेताभिः। धर्मपथ्यर्थन्यायादनपेते (अष्टाध्यायी ४.४.९२ ) इति यत्प्रत्ययः। स्तुतिभिः स्तोत्रैः। उपतस्थे। देवताबुद्ध्या पूजितवतीत्यर्थः। देवतात्वं च-ना विष्णुः वृथिवीपतिः इति वा लोकपालात्मकत्वाद्वेत्यनुसंधेयम्। एवं च सतिउपाद्देवपूजासंगतिकरणमित्रकरणपथिषु(वा.९१४) इति वक्तव्यादात्मनेपदं सिद्ध्यति॥
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| प | रि | क | ल्पि | त | सां | नि | ध्या |
| का | ले | का | ले | च | ब | न्दि | षु |
| स्तु | त्यं | स्तु | ति | भि | र | र्थ्या | भि |
| रु | प | त | स्थे | स | र | स्व | ती |