४.५५
मुरलामारुतोद्धूतमगमत्कैतकं रजः ।
तद्योधवारबाणानामयत्नपटवासताम् ॥
सञ्जीविनीटीका (मल्लिनाथः) मुरलेति॥ मुरला नाम केरलदेशेषु काचिन्नदी, तस्या मारुतेनोद्धूतमुत्थापितम्। मुरवीमारुतोद्भूतम् इति केचित्पठन्ति। कैतकं केतकसंबन्धि रजस्तद्योधवारबाणानां रघुभटकञ्चुकानाम्, कञ्चुको वारबाणोऽस्त्त्री इत्यमरः (अमरकोशः २.६.१४० ) । अयत्नपटवासतामयत्नसिद्धवस्त्त्रवासनाद्रव्यत्वमगमत्। पिष्टातः पटवासकः इत्यमरः (अमरकोशः २.६.१४० ) ॥
छन्दः अनुष्टुप् [८]
छन्दोविश्लेषणम्
१२३४५६७८
मुर ला मारु तो द्धूत
मग म त्कैत कंर जः
त द्योध वार बा णा ना
म यत्नपट वास ताम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.