४.१९
हंसश्रेणीषु तारासु कुमुद्वत्सु च वारिषु ।
विभूतयस्तदीयानां पर्यस्ता यशसामिव ॥
सञ्जीविनीटीका (मल्लिनाथः) हंसेति॥ हंसानां श्रेणीषु पङ्क्तिषु। तारासु नक्षत्रेषु। कुमुदानि येषु सन्तीति कुमुद्वन्ति। कुमुद्वान्कुमुदप्राये इत्यमरः (अमरकोशः २.१.१० ) । कुमुदनडवेतसेभ्यो ड्यतुप् (अष्टाध्यायी ४.२.८७ ) । तेषु। कुमुदप्रायेष्वित्यर्थः। वारिषु च तदीयानां रघुसंबन्धिनां यशसां विभूतयः संपदः पर्यस्ता इव प्रसारिताः किम् ? इत्युत्प्रेक्षा। अन्यथा कथमेषां धवलिमेति भावः॥
छन्दः अनुष्टुप् [८]
छन्दोविश्लेषणम्
१२३४५६७८
हं स श्रे णीषु ता रासु
कु मु द्वत्सुच वारिषु
वि भूत यस्त दी या नां
प र्य स्तायश सामिव
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.