३.२५
उवाच धात्र्या प्रथमोदितं वचो ययौ तदीयामवलम्ब्य चाङ्गुलिम् ।
अभूञ्च नम्रः प्रणिपातशिक्षया पितुर्मुदं तेन ततान सोऽर्भकः ॥
सञ्जीविनीटीका (मल्लिनाथः) उवाचेति॥ सोऽर्भकः शिशुः। पोतः पाकोऽर्भको डिम्भः पृथुकः शावकः शिशुः इत्यमरः (अमरकोशः २.५.४० ) । धात्र्योपमात्रा। छात्रीजनन्यामलकीवसुमत्युपमातृषु इति विश्वः। प्रथममुदितमुपदिष्टं वच उवाच। तदीयामङ्गुलिमवलम्ब्य ययौ च। प्रणिपातस्य शिक्षयोपदेशेन नम्रोऽभूञ्च। इति यत्तेन पितुर्मुदं ततान ॥
छन्दः वंशस्थम् [१२: जतजर]
छन्दोविश्लेषणम्
१२३४५६७८९१०१११२
उ वाच धा त्र्याप्रथ मोदि तंव चो
य यौत दी यामव लम्ब्य चाङ्गु लिम्
अ भूञ्च न म्रःप्रणि पात शिक्ष या
पि तुर्मु दं तेनत तान सोऽर्भ कः
जतजर
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.