२.६३
भक्त्या गुरौ मय्यनुकम्पया च प्रीतास्मि ते पुत्र! वरं वृणीष्व ।
न केवलानां पयसां प्रसूतिमवेहि मां कामदुघां प्रसन्नाम् ॥
सञ्जीविनीटीका (मल्लिनाथः) भक्त्येति॥ हे पुत्र! गुरौ। भक्त्या। मय्यनुकम्पया च। ते तुभ्यं प्रीताऽस्मि। क्रियाग्रहणमपि कर्तव्यम् इति चतुर्थी। वरं देवेभ्यो वरणीयमर्थम्। देवाद्धृते वरः श्रेष्ठे त्रिषु क्लीबं मनाक्प्रिये इत्यमरः। वृणीष्व स्वीकुरु। तथा हि-मां केवलानां पयसां प्रसूतिं कारणं नावेहि न विद्धिः। किंतु प्रसन्नां माम्। कामान्दोग्धीति कामदुघा। तामवेहि। दुहः कब्थश्च (अष्टाध्यायी ३.२.७० ) इति कप्प्रत्ययः ॥
छन्दः उपजातिः [११]
छन्दोविश्लेषणम्
१२३४५६७८९१०११
भ क्त्यागु रौ मय्यनु कम्प याच
प्री तास्मि ते पुत्रव रंवृ णीष्व
न केव ला नांपय सांप्र सूति
म वेहि मां कामदु घांप्र स न्नाम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.