२.४४
मान्यः स मे स्थावरजंगमानां सर्गस्थितिप्रत्यवहारहेतुः ।
गुरोरपीदं धनमाहिताग्नेर्नश्यत्पुरस्तादनुपेक्षणीयम् ॥
सञ्जीविनीटीका (मल्लिनाथः) मान्य इति॥ प्रत्यवहारः प्रलयः। स्थावराणां तरुशैलादीनां जंगमानां मनुष्यादीनां सर्गस्थितिप्रत्यवहारेषु हेतुः स ईश्वरो मे मम मान्यः पूज्यः। अलङ्घ्यशासन इत्यर्थः। शासनं च सिंहत्वमङ्कागतसत्त्ववृत्ति(२।३८) इत्युक्तरूपम्। तर्हि विसृज्य गम्यताम्; नेत्याह-गुरोरपीति। पुरस्तादग्रे नश्यदिदमाहिताग्नेगुरोर्धनमपि गोरूपमनुपेक्षणीयम्। आहिताग्नेः इति विशेषणेनानुपेक्षाकारणं हविः साधनत्वं सूचयति॥
छन्दः उपजातिः [११]
छन्दोविश्लेषणम्
१२३४५६७८९१०११
मा न्यःस मे स्थावर जंग मा नां
स र्गस्थि ति प्रत्यव हार हे तुः
गु रोर पी दंधन माहि ता ग्ने
र्न श्यत्पु र स्तादनु पेक्ष णी यम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.