२.२९
स पाटलायां गवि तस्थिवांसं धनुर्धरः केसरिणं ददर्श ।
अधित्यकायामिव धातुमय्यां लोध्रद्रुमं सानुमतः प्रफुल्लम् ॥
सञ्जीविनीटीका (मल्लिनाथः) स इति॥ धनुर्धरः स नृपः पाटलायां रक्तवर्णायां गवि तस्थिवांसं स्थितम्। क्कसुश्च (अष्टाध्यायी ३.२.१०२ ) इति क्वसुप्रत्ययः। केसरिणं सिंहम्। सानुमत्तोऽद्रेः। धातोर्गैरिकस्य विकारो धातुमयी। तस्यामधित्यकायामूर्ध्वभूमौ। उपत्यकाद्रेरासन्ना भूमिरूर्ध्वमाधित्यका इत्यमरः। उपाधिभ्यां त्यकन्नासन्नारूढयोः (अष्टाध्यायी ५.२.३४ ) इति त्यकन्प्रत्ययः। प्रफुल्लो विकसितस्तम्। फुल्ल विकसनेइति धातोः पचाद्यच्।प्रफुल्तम्इति तकारपाठे ञिफला विशरणे इति धातोः कर्तरि क्तः। उत्परस्यातः (अष्टाध्यायी ७.४.८८ ) इत्युकारादेशः। लोध्राख्यं द्रुममिव ददर्श॥
छन्दः उपजातिः [११]
छन्दोविश्लेषणम्
१२३४५६७८९१०११
स पाट ला यांगवि तस्थि वां सं
ध नुर्ध रः केसरि णंद दर्श
अ धित्य का यामिव धातु म य्यां
लो ध्रद्रु मं सानुम तःप्र फु ल्लम्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.