१३.४४
वाचंयमत्वात्प्रणतिं ममैष कम्पेन किंचित्प्रतिगृह्य मूर्ध्नः ।
दृष्टिं विमानव्यवधानमुक्तां पुनः सहस्रार्चिषि संनिधत्ते ॥
सञ्जीविनीटीका (मल्लिनाथः) वाचंयमेति॥ एष सुतीक्ष्णः। वाचं यच्छतीति वाचंयमो मौनव्रती। वाचि यमो व्रते (अष्टाध्यायी ३.२.४० ) इति खच्प्रत्ययः। वाचंयमपुरंदरौ च (अष्टाध्यायी ६.३.६९ ) इति मुम्। तस्य भावस्तत्त्वान्मम प्रणतिं किंचिन्मूर्ध्नः कम्पेन प्रतिगृह्य विमानेन व्यवधानं तोरोधानं तस्मान्मुक्ताम्। अपेतापोढमुक्तपततित- (अष्टाध्यायी २.१.३८ ) इत्यादिना पञ्चमीसमासः। दृष्टिं पुनः सहस्रार्चिषि सूर्ये संनिधत्ते । सम्यग्धत्त इत्यर्थः। अन्यथाऽकर्मकत्वप्रसङ्गात् ॥
छन्दः उपजातिः [११]
छन्दोविश्लेषणम्
१२३४५६७८९१०११
वा चंय म त्वात्प्रण तिंम मैष
क म्पेन किं चित्प्रति गृह्य मू र्ध्नः
दृ ष्टिंवि मा नव्यव धान मु क्तां
पु नःस ह स्रार्चिषि संनि ध त्ते
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.