१३.४३
एषोऽक्षमालावलयं मृगाणां कण्डूयितारं कुशसूचिलावम् ।
सभाजने मे भुजमूर्ध्वबाहुः सव्येतरं प्राध्वमितः प्रयुङ्क्ते ॥
सञ्जीविनीटीका (मल्लिनाथः) एष इति॥ ऊर्ध्वबाहुरेष सुतीक्ष्णोऽक्षमालैव वलयं यस्य तं मृगाणां कण्डूयितारम्। कुशा एव सूचयस्ता लुनातीति कुशसूचिलावस्तम्। कर्मण्यण् (अष्टाध्यायी ३.२.१ ) इत्यण्। एभिर्विशेषणैर्जयशीलत्वं भूतदया कर्मक्षमत्वं च द्योत्यते। सव्यादितरं दक्षिणं भुजं मे मम सभाजने संमाननिमित्ते। निमित्तात्कर्मयोगे(वा.१४९०)इति सप्तमी। इतः प्राध्वं प्रकृतानुकूलबन्धं प्रयुङ्क्ते। आनुकूल्यार्थकं प्राध्वम् इत्यमरः (अमरकोशः ३.४.४ ) । अव्ययं चैतत् ॥
छन्दः उपजातिः [११]
छन्दोविश्लेषणम्
१२३४५६७८९१०११
ए षोऽक्ष मा लावल यंमृ गा णां
क ण्डूयि ता रंकुश सूचि ला वम्
स भाज ने मेभुज मूर्ध्व बा हुः
स व्येत रं प्राध्वमि तःप्र यु ङ्क्ते
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.