१३.१८
कुरुष्व तावत्करभोरु! पश्चान्मार्गे मृगप्रेक्षिणि! दृष्टिपातम् ।
एषा विदूरीभवतः समुद्रात्सकानना निष्पततीव भूमिः ॥
सञ्जीविनीटीका (मल्लिनाथः) कुरुष्वेति॥ मणिबन्धादाकनिष्ठं करस्य करभो बहिः इत्यमरः। करभ इवोरूयस्याः सा करभोरूः। ऊरूत्तरपदादौपम्ये (अष्टाध्यायी ४.१.६९ ) इत्यङ्। तस्याः संबुद्धिर्हे करभोरू। मृगवत्प्रेक्षत इति विग्रहः। हे मृगप्रेक्षिणि! तावत्पश्चान्मार्गे लङ्घिताध्वनि दृषअटिपातं कुरुष्व। एषा सकानना भूमिर्विदूरीभवतः समुद्रान्निष्पतति निष्क्रामतीव। विदूरशब्दाद्विशेष्यनिघ्नाञ्च्विः ॥
छन्दः उपजातिः [११]
छन्दोविश्लेषणम्
१२३४५६७८९१०११
कु रुष्व ता वत्कर भोरु प श्चा
न्मा र्गेमृ ग प्रेक्षिणि दृष्टि पा तम्
ए षावि दू रीभव तःस मु द्रा
त्स कान ना निष्पत तीव भू मिः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.