१३.१०
ससत्त्वमादाय नदीमुखाम्भः संमीलयन्तो विवृताननत्वात् ।
अमी शिरोभिस्तिमयः सरन्ध्रैरूर्ध्वं वितन्वन्ति जलप्रवाहान् ॥
सञ्जीविनीटीका (मल्लिनाथः) ससत्त्वमिति॥ अमी तिमयो मत्स्यविशेषाः। तदुक्तम्-अस्ति मत्स्यस्तिमिर्नाम शतयोजनमायतःइति। विवृताननत्वाद्व्यात्तमुखत्वाद्धेतोः। आननविवृत्येत्यर्थः। ससत्त्वं मत्स्यादिप्राणिसहितं नदीमुखाम्भ आदाय संमीलयन्तश्चञ्चुपुटानि संघट्टयन्तः सन्तः सरन्ध्रैः शिरोभिर्जलप्रवाहानूर्ध्वं वितन्वन्ति। जलयन्त्रक्रीडासमाधिर्व्यज्यते ॥
छन्दः उपजातिः [११]
छन्दोविश्लेषणम्
१२३४५६७८९१०११
स सत्त्व मा दायन दीमु खा म्भः
सं मील य न्तोविवृ तान न त्वात्
अ मीशि रो भिस्तिम यःस र न्ध्रै
रू र्ध्वंवि त न्वन्तिज लप्र वा हान्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.