१२.५१
राघवास्त्रविदीर्णानां रावणं प्रति रक्षसाम् ।
तेषां शूर्पणखैवैका दुष्प्रवृत्तिहराऽभवत् ॥
सञ्जीविनीटीका (मल्लिनाथः) राघवेति॥ एका शूर्पवन्नखानि यस्याः सा शूर्पणखा। पूर्वपदात्संज्ञायाम्- (अष्टाध्यायी ८.४.३ ) इति णत्वम्। नखमुखात्संज्ञायाम्इति ङीप्प्रतिषेधः। सैव रावणं प्रति राघवास्त्रैर्विदीर्णानां हतानां तेषां रक्षसां खरीदीनां दुष्प्रवृत्तिं वार्तां हरति प्रापयतीति दुष्प्रवृत्तिहराऽभवत्। हरतेरनुद्यमनेऽच् (अष्टाध्यायी ३.२.९ ) इत्यच्प्रत्ययः ॥
छन्दः अनुष्टुप् [८]
छन्दोविश्लेषणम्
१२३४५६७८
राघ वास्त्रवि दी र्णा नां
राव णंप्रति रक्ष साम्
ते षां शूर्पण खै वै का
दुष्प्र वृत्तिह राऽभ वत्
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.