१२.२५
प्रययावातिथेयेषु वसन्नृषिकुलेषु सः ।
दक्षिणां दिशमृक्षेषु वार्षिकेष्विव भास्करः ॥
सञ्जीविनीटीका (मल्लिनाथः) प्रययाविति॥ सः रामः। अतिथिषु साधूनि आतिथेयानि। पथ्यतिथिवसतिस्वपतेर्ढञ् (अष्टाध्यायी ४.४.१०४ ) इति ढञ्प्रत्ययः। तेषु। ऋषिकुलेष्वृष्याश्रमेषु। कुलं कुल्ये गणे देहे गेहे जनपदेऽन्वयेइति हैमः। वर्षासु भवानि वार्षिकाणि। वर्षाभ्यष्ठक् (अष्टाध्यायी ४.३.१८ ) इति ठक्प्रत्ययः। तेषु। ऋक्षेषु नक्षत्रेषु राशिषु वा भास्कर इव वसन् दक्षिणां दिशं प्रययौ ॥
छन्दः अनुष्टुप् [८]
छन्दोविश्लेषणम्
१२३४५६७८
प्रय या वाति थे येषु
व सन्नृषिकु लेषु सः
दक्षि णांदिश मृ क्षेषु
वार्षि केष्विव भास्क रः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.