११.७७
तन्मदीयमिदमायुधं ज्यया संगमय्य सशरं विकृष्यताम् ।
तिष्ठतु प्रधनमेवमप्यहं तुल्यबाहुतरसा जितस्त्वया ॥
सञ्जीविनीटीका (मल्लिनाथः) तदिति॥ तत्तस्मात्, मदीयमिदमायुधं कार्मुकं ज्यया संगमय्य संयोज्य। ल्यपि लघुपूर्वात् (अष्टाध्यायी ६.४.५६ ) इति णेरयादेशः। सशरं यथा तथा त्वया विकृष्यताम्। प्रधानं रणस्तिष्ठतु। प्रधानं तावदास्तामित्यर्थः। प्रधनं मारणे रणे इति विश्वः। एवमपि मद्धनुःकर्षणेऽप्यहं तुल्यबाहुतरसा समबाहुबलेन। तरसी बलरंहसी इत्यमरः। त्वया जितः ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
तन्म दीयमिद मायु धंज्य या
संग मय्यसश रंवि कृष्य ताम्
तिष्ठ तुप्रधन मेव मप्य हं
तुल्य बाहुतर साजि तस्त्व या
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.