११.५
तौ पितुर्नयनजेन वारिणा किंचिदुक्षितशिखण्डकावुभौ ।
धन्विनौ तमृषिमन्वगच्छतां पौरदृष्टिकृतमार्गतोरणौ ॥
सञ्जीविनीटीका (मल्लिनाथः) ताविति॥ पितुर्नयनजेन वारिणा किंचिदुक्षितशिखण्डकावीषत्सिक्तचूडौ। शिखा चूडा शिखण्डः स्यात् इत्यमरः। शेषाद्विभाषा (अष्टाध्यायी ५.४.१५४ ) इति कप्प्रत्ययः। धन्विनौ तावुभौ। पौरदृष्टिभिः कृतानि मार्गतोरणानि संपाद्यानि कुवलयानि ययोस्तौ तथोक्तौ। संघशो निरीक्ष्यमाणावित्यर्थः। तमृषिमन्वगच्छताम् ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
तौपि तुर्नयन जेन वारि णा
किंचि दुक्षितशि खण्ड कावु भौ
धन्वि नौतमृषि मन्व गच्छ तां
पौर दृष्टिकृत मार्ग तोर णौ
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.