११.४८
मैथिलः सपदि सत्यसंगरो राघवाय तनयामयोनिजाम् ।
संनिधौ द्युतिमतस्तपोनिधेरग्निसाक्षिक इवातिसृष्टवान् ॥
सञ्जीविनीटीका (मल्लिनाथः) मैथिल इति॥ सत्यसंगरः सत्यप्रतिज्ञः। अथ प्रतिज्ञाजिसंविदापत्सु संगरः इत्यमरः। मैथिलो राघवाय। अयोनिजां तनयां द्युतिमतस्तेजस्विनस्तपोनिधेः कौशिकस्य संनिधौ। अग्निः साक्षी यस्य सोऽग्निसाक्षिकः। शेषाद्विभाषा (अष्टाध्यायी ५.४.१५४ ) इति कप्प्रत्ययः। स इव। सपद्यतिसृष्टवान् दत्तवान् ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
मैथि लःसपदि सत्य संग रो
राघ वायतन याम योनि जाम्
संनि धौद्युतिम तस्त पोनि धे
रग्नि साक्षिकइ वाति सृष्ट वान्
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.