११.४३
व्यादिदेश गणशोऽथ पार्श्वगान्कार्मुकाभिहरणाय मैथिलः ।
तैजसस्य धनुषः प्रवृत्तये तोयदानिव सहस्रलोचनः ॥
सञ्जीविनीटीका (मल्लिनाथः) व्यादिदेशेति॥ अथ मैथिलः पार्श्वगान्पुरुषान् कार्मुकाभिहरणाय कार्मुकमानेतुम्। तुमर्थाञ्च- (अष्टाध्यायी २.३.१५ ) इति चतुर्थी। सहस्रलोचन इन्द्रस्तैजसस्य तेजोमयस्य धनुषः प्रवृत्तय अविर्भावाय तोयदान्भेधानिव गणशः गणान्। संख्यैकवचनाञ्च वीप्सायाम् (अष्टाध्यायी ५.४.४३ ) इति शस्प्रत्ययः। व्यादिदेश प्रजिघाय ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
व्यादि देशगण शोऽथ पार्श्व गा
न्कार्मु काभिहर णाय मैथि लः
तैज सस्यधनु षःप्र वृत्त ये
तोय दानिवस हस्र लोच नः
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.