११.३३
तैः शिवेषु वसतिर्गताध्वभिः सायमाश्रमतरुष्वगृह्यत ।
येषु दीर्घतपसः परिग्रहो वासवक्षणकलत्रतां ययौ ॥
सञ्जीविनीटीका (मल्लिनाथः) तैरिति॥ गताध्वभिस्तैस्त्रिभिः सायं शिवेषु रम्येष्वाश्रमतरुषु वसतिः स्थआनमगृह्यत। येष्वाश्रमतरुषु दीर्घतपसो गौतमस्य परिग्रहः पत्नी। पत्नीपरिजनादानमूलशापाः परिग्रहाः इत्यमरः (अमरकोशः ३.३.२५२ ) । अहल्येति यावत्। वासवस्येन्द्रस्य क्षणकलत्रतां ययौ ॥
छन्दः रथोद्धता [११: रनरलग]
छन्दोविश्लेषणम्
१२३४५६७८९१०११
तैःशि वेषुवस तिर्ग ताध्व भिः
साय माश्रमत रुष्व गृह्यत
येषु दीर्घतप सःप रिग्र हो
वास वक्षणक लत्र तांय यौ
रनरलग
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.