१०.४
ऋष्यश्रृङ्गादयस्तस्य सन्तः सन्तानकाङ्क्षिणः ।
आरेभिरे जितात्मानः पुत्रीयामिष्टिमृत्विजः ॥
सञ्जीविनीटीका (मल्लिनाथः) ऋष्यशृङ्गेति॥ ऋष्यशृङ्गादयः। ऋष्यशृङ्गो नाम कश्चिदृषिः। तदादयः। ऋतुमृतौ वा यजन्तीत्यृत्विजो याज्ञिकाः। ऋत्विग्दधऋक्- (अष्टाध्यायी ३.२.५९ ) इत्यादिना क्विबन्तो निपातः। जितात्मानो जितान्तःकरणाः सन्तः संतानकाङ्क्षिणः पुत्रार्थिनस्तस्य दशरथस्य पुत्रीयां पुत्रनिमित्ताम्। पुत्राच्छ च (अष्टाध्यायी ५.१.४० ) इति छप्रत्ययः। इष्टिं यागमारेभिरे प्रचकमिरे ॥
छन्दः अनुष्टुप् [८]
छन्दोविश्लेषणम्
१२३४५६७८
ऋ ष्य श्रृ ङ्गाद य स्तस्य
स न्तः स न्तान काङ्क्षि णः
आ रेभि रेजि ता त्मा नः
पु त्री या मिष्टि मृत्वि जः
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.