धुरो यड्ढकौ (अष्टाध्यायी ४.४.७७ ) इति यत्प्रत्ययः। धूर्वहे धुर्यधौरेयधुरीणाः सधुरंधराः इत्यमरः। धुर्यान् रथाश्वान् विश्रामय विनीतश्रमान्कुर्नित्यादिश्याज्ञाप्य तां पत्नीं रथादवारोहयदवतारितवान्स्वयं चावततार। विश्रमय इति ह्रस्वपाठे जनीजॄष्-, इति मित्वे १मितां ह्रस्वः इति ह्रस्वः। दीर्घपाठे मितां ह्रस्वः (अष्टाध्यायी ६.४.९२ ) इति सूत्रे वा चित्तविरागे इत्यतो वाइत्यनुवर्त्य व्यवस्थितविभाषाश्रयणत्वाद्ध्रस्वाभाव इति वृत्तकारः ॥
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| अ | थ | य | न्ता | र | मा | दि | |
| श्य | धु | र्या | न्वि | श्रा | म | ये | ति |
| सः | ता | म | वा | रो | ह | त्प | त्नीं |
| र | था | द | व | त | ता | र | च |