वेला कूलेऽपि वारिधेः इति विश्वः। ता एव वप्रवलयाः प्राकारवेष्टनानि यस्यास्ताम्। स्याञ्चयो वप्रमस्त्त्रियाम्। प्राकारो वरणः सालः प्राचीरं प्रान्ततो वृत्तिः ॥ इत्यमरः (अमरकोशः २.२.३ ) । परितः खातं परिखा दुर्गवेष्टनम्। खातं खेयं तु परिखा इत्यमरः (अमरकोशः २.२.३ ) । अन्येष्वपि दृश्यते (अष्टाध्यायी ३.२.१०१ ) इत्यत्र अपि शब्दात् खनेर्डप्रत्ययः। अपरिखाः परिखाः संपद्यमानाः कृताः परिखीकृताः सागरा यस्यास्ताम्। अभूततद्भावे च्विः। अविद्यमानमन्यस्य राज्ञः शासनं यस्यास्तामनन्यशाननामुर्वीमेकपुरीमिव शशास। अनायासेन शासितवानित्यर्थः॥
| १ | २ | ३ | ४ | ५ | ६ | ७ | ८ |
|---|---|---|---|---|---|---|---|
| स | वे | ला | व | प्र | व | ल | यां |
| प | रि | खी | कृ | त | सा | ग | राम् |
| अ | न | न्य | शा | स | ना | मु | र्वीं |
| श | शा | सै | क | पु | री | मि | व |