९.५०
मृगवनोपगमक्षमवेषमृद्विपुलकण्ठनिषक्तशरासनः ।
गगनमश्वखुरोद्धतरेणुभिर्नृसविता स वितानमिवाकरोत् ॥
सञ्जीविनीटीका (मल्लिनाथः) मृगेति॥ मृगाणां वनं तस्योपगमः प्राप्तिः। तस्य क्षममर्हं वेषां बिभर्तीति स तथोक्तः। मृगयाविहारानुगुणवेषधारीत्यर्थः। विपुलकण्ठे निषक्तशरासनो लग्नधन्वा। ना सवितेव नृसविता पुरुषश्रेष्ठः। उपमितसमासः। स राजाऽश्वखुरोद्धतरेणुभिर्गगनं वितानं तुच्छमसदिवाकरोत्। गगनं नालक्ष्यतेत्यर्थः। वितानं तुच्छमन्दयोः इति विश्वः। अथवा, -सवितानम् इत्येकं पदम्। सवितानमुल्लोचसहितमिवाकरोत् । अस्त्री वितानमुल्लोचः इत्यमरः (अमरकोशः २.६.१२१ ) ॥
छन्दः द्रुतविलम्बितम् [१२: नभभर]
छन्दोविश्लेषणम्
१२३४५६७८९१०१११२
मृगव नोपग मक्षम वेषमृ
द्विपुल कण्ठनि षक्तश रास नः
गगन मश्वखु रोद्धत रेणुभि
र्नृसवि तासवि तानमि वाक रोत्
नभभर
Please update Chrome!

Your chrome browser is running an old version, due to which SanskritSahitya.org is unable to load properly.

Please update your Chrome browser and then reinstall the app by visiting the website on Chrome.